બેઠાં હતાં અમે

એક્લાં એક્લાં તમારી યાદ સાથે લઈને બેઠાં હતાં અમે,
બે મીઠી મુલાકાતો દિલમાં વાગોળીને બેઠાં હતાં અમે.

આંખો રાતી ચોળ અંગારા સમ લઈને બેઠાં હતાં અમે,
કોઈ સપનાં આંખને સજાવશે સમજીને બેઠાં હતાં અમે.

ચમકતો તારો ખરશે રાહ ઉરે લઈને બેઠાં હતાં અમે,
એનાં રુપેરી તેજે ચાતક મીટ માંડીને બેઠાં હતાં અમે.

ઠંડી હવા દિલને બહેલાવે,ચંચળતા લઈને બેઠાં હતા અમે,
એનાં જાદુઈ સ્પર્શે કોઈ શીતળતા માણીને બેઠાં હતા અમે.

પ્રેમ નગરે કોઈ મસ્તીનાં ઈરાદા લઈને બેઠાં હતાં અમે,
તમે સાથ આપી જશો પાકી ખાત્રી જાણીને બેઠાં હતાં અમે.